Sunday, March 30, 2008

പറയൂ ഞാനെങ്ങനെ പറയേണ്ടൂ...

പറയൂ ഞാനെങ്ങനെ പറയേണ്ടൂ
നീയിന്നുമറിയാത്തോരെന്‍ സ്നേഹനൊമ്പരങ്ങള്‍
ഒരു പൂവിനിതള്‍ കൊണ്ടു മുറിവേറ്റൊരെന്‍ പാവം
കരളിന്റെ സുഖദമാം നൊമ്പരങ്ങള്‍


അകലത്തില്‍ വിരിയുന്ന സൗഗന്ധികങ്ങള്‍ തന്‍
മദകര സൗരഭ ലഹരിയോടെ
ഇടറുന്ന പദവുമായ് അണയുന്ന കാറ്റിന്റെ
മധുരമാം മര്‍മ്മര മൊഴികളാലോ ?

ഒരു മഞ്ഞു തുള്ളിതന്‍ ആഴങ്ങളില്‍ മുങ്ങി
നിവരുമെന്‍ മോഹത്തിന്‍ മൌനത്താലോ
ഹൃദയാഭിലാഷങ്ങള്‍ നീട്ടിക്കുറുക്കുന്ന
മധുമത്ത കോകില മൊഴികളാലോ ?

.............................................. ഒ.എന്‍.വി.

No comments: