എല്ലാം മറന്നൊന്നുറങ്ങിയ യാമങ്ങള്
എന്നേക്കുമായ് അസ്തമിച്ചു പോയ്
ഇനി നമ്മിലോരാളിന്റെ നിദ്രയ്ക്കു മറ്റെയാള്
കണ്ണിമ ചിമ്മാതെ കാവല് നിന്നീടണം
ഇനി ഞാനുണര്ന്നിരിക്കാം നീയുറങ്ങുക.
എത്ര വേഗം നീ മയക്കത്തിലാഴുന്നു
നിദ്രയിലെല്ലാ ഭയങ്ങളും മായുന്നു
നിന് മുഖത്തെന്തൊരു ശാന്തത
ഈ വാഴ്വില് നമ്മള്ക്കു നഷ്ടമായ്ത്തീര്ന്നൊരു ശാന്തത
എന്തേ ചിരിക്കുന്നു നീയറിയാതെ
നിന് ചുണ്ടില് നിഗൂഢ സ്മിതങ്ങള്
വിടര്ത്തുന്ന സ്വപ്നങ്ങള് എന്റേതുമല്ലെയോ
സ്വപ്നങ്ങള് ചൂടു പകര്ന്നു വിരിയിച്ച
സത്യങ്ങളാവുക നാം സത്യഗാഥകള്
ഇന്നു നീ ഭദ്രേ സുഖമായുറങ്ങുക
കണ്ണിമ പൂട്ടാതെയീ ഇടവേളയില്
ഇനി ഞാനുണര്ന്നിരിക്കാം നീയുറങ്ങുക
ഇനിയും കിനാവുകള് കണ്ടു ചിരിക്കുക
ഇനി ഞാനുണര്ന്നിരിക്കാം നീയുറങ്ങുക.
.............................................. ഒ.എന്.വി.(ശാര്ങ്ഗകപ്പക്ഷികള്)
Thursday, March 20, 2008
ഇനി ഞാനുണര്ന്നിരിക്കാം നീയുറങ്ങുക
Subscribe to:
Post Comments (Atom)
1 comment:
നല്ല വരികള്
Post a Comment