Friday, May 29, 2009

മോഹവീണതന്‍ തന്തിയില്‍ ഒരു രാഗം കൂടി ഉണര്‍ന്നെങ്കില്‍...

മോഹവീണതന്‍ തന്തിയില്‍
ഒരു രാഗം കൂടി ഉണര്‍ന്നെങ്കില്‍
സ്വപ്നം പൂവിടും വല്ലിയില്‍
ഒരു പുഷ്പം കൂടി വിടര്‍ന്നെങ്കില്‍

എത്ര വര്‍ണം കലര്‍ന്നു കാണുമീ
ചിത്രപൂര്‍ണിമ തീരുവാന്‍
നാദമെത്ര പകര്‍ന്നു കാണുമീ
രാഗമാലിക മീട്ടുവാന്‍

സംഗമസ്ഥാനമെത്തുകില്ലെന്റെ
സര്‍ഗസംഗീതഗംഗകള്‍
തോട്ടുപോയാല്‍ തകര്‍ന്നു പോമെന്റെ
ഹൃത്തിലെ നാദതന്ത്രികള്‍

വീണയായ് പുനര്ജനിച്ചെങ്കില്‍
വീണപൂവിന്റെ വേദന
നിത്യതയില്‍ ഉയിര്‍ത്തെണീറ്റെങ്കില്‍
മൃത്യു പുല്‍കിയ ചേതന.

......................... ജി. ഗോപാലകൃഷ്ണന്‍

2 comments:

comiccola said...

nice...

ramaniga said...

വീണയായ് പുനര്ജനിച്ചെങ്കില്‍
വീണപൂവിന്റെ വേദന
നിത്യതയില്‍ ഉയിര്‍ത്തെണീറ്റെങ്കില്‍
മൃത്യു പുല്‍കിയ ചേതന.

ee varikal manassine sparsichu!