Thursday, January 17, 2008

ആര്‍ദ്രം കവി ഹൃദയം

ഇനിയുമുണ്ടൊരു ജന്മ‍മെനിക്കെങ്കില്‍
ഇതള്‍ വിരിയാത്തൊരു പുഷ്പമായ് തീരണം
വിജനഭൂവിങ്കലെങ്ങാന്‍ അതിന്‍ ജന്മം
വിഫലമാക്കീട്ടു വിസ്മൃതമാകണം!

....................... ഇടപ്പള്ളി


എല്ലാ വിളക്കും കെടുമ്പൊളാകാശമുണ്ടെല്ലാ
സതിരും നിലക്കില്‍ നിന്‍ നാദമുണ്ടേവരും
പിരികിലും നിന്റെ സന്നിധ്യമുണ്ടെങ്ങും
വരണ്ടാലുംമുണ്ടു നിന്നാര്‍ദ്രത

..................... മധുസൂദനന്‍ നായര്‍


ഒരു ഗീതമെന്റെ മനസ്സില്‍ വരുന്നുണ്ട്
നീ വരാതെങ്ങനെ മുഴുവനാകും ?
ഒരു നിറം ചുവരില്‍ വരഞ്ഞു നീ നിറയാതെ
പകരുന്നതെങ്ങനെ ചിത്രമായി ?

....................... ഡി വിനയചന്ദ്രന്‍

ജീവിതം നല്കാന്‍ മടിക്കുന്നതൊക്കെയും
ജീവിച്ചു ജീവിതത്തോടു ഞാന്‍ വാങ്ങിടും.
കപട ലോകത്തിലാത്മാര്‍ത്ഥമായൊരു
ഹൃദയമുണ്ടായതാണെന്‍ പരാജയം.

....................... ചങ്ങമ്പുഴ

അത്യുന്നതിക്കുമപ്പുറം നിറയുന്നൊരാ
സ്വത്വവിഹീനമാം ശൂന്യത കാണ്മു ഞാന്‍
നിത്യമല്ലൊന്നും സമസ്തവുമസ്ഥിരം
സത്യമിതു മാത്രമെന്നറിയുമ്പൊഴും...

................... കെ. ചന്ദ്രശേഖരന്‍ പിള്ള

1 comment:

ഫസല്‍ said...

Orikkalkoodi nalla kavithakal njangalkku vendi post cheythathinu nandi..
veendum ithupoleyulla varikal post cheythaal santhoasham..