അവ്വിധം നമ്മളടുത്തെങ്കിലും സര്വ്വം
അവ്യക്തമാണൊരു സ്വപ്നം പോലെ
അശ്രുവാഘോഷമായ് മാറ്റുന്ന നിന് മനം
അകലത്തു കേട്ടൊരു ഗാനം പോലെ.
എന് മാറില് മെല്ലെ തൊടുന്ന നിന് പൂവിരല്
ഇന്നോളമെന്നെ തൊടാത്ത പോലെ
എല്ലാമമൃതാക്കും നിന്നോര്മയില് നിന്നും
എന് രുചി പാടേയകന്ന പോലെ.
മെല്ലെയെന് ചാരത്തു ചായും നിന് മേനിയെ
എന് തല്പമോട്ടറിയാത്ത പോലെ
നമ്മളന്യോന്യം പകര്ന്ന സംഗീതിക
നമ്മുടെ വേദനയാകും പോലെ.
സ്വത്വത്തിലര്ത്ഥവും അര്ത്ഥത്തില് സ്വത്വവും
കണ്ടു നാം തെല്ലു പകക്കും പോലെ
എന്നു തുടങ്ങിയിതെന്നോടുങ്ങീടുമീ -
തെന്നറിയാത്ത പ്രപഞ്ചം പോലെ.
...................... ശ്രീകുമാരന് തമ്പി
Sunday, January 20, 2008
ഒരു സ്വപ്നം പോലെ...
Subscribe to:
Post Comments (Atom)
1 comment:
:)
Post a Comment